Նորություններ

Դեկտեմբերի 8-ին համաձայնագիր է ստորագրվել «ՍՕՍ-Մանկական Գյուղեր» ՀԲՀ ազգային տնօրեն Սպարտակ Սարգսյանի և ԱՐԱՐԱՏԲԱՆԿ ԲԲԸ Վարչության նախագահ Մհեր Անանյանի կողմից, որի շրջանակում բանկը մեկ տարով կֆինանսավորի «Սիրիահայ ընտանիքների սոցիալ-տնտեսական ինտեգրումը Երևանում» ծրագրի երեխաների ցերեկային խնամքի ճաշարանը։

2021 թվականի սեպտեմբերի 27-ին "ՍՕՍ-Մանկական Գյուղեր" հայկական բարեգործական հիմնադրամի և «Էյչ-Էս-Բի-Սի Բանկ Հայաստան» ՓԲԸ-ի միջև ստորագրվեց համաձայնագիր, որի շրջանակում բանկն ավելի քան 8 մլն դրամի աջակցություն է տրամադրում «Լեռնային Ղարաբաղի հակամարտությունից տուժած երիտասարդների տնտեսական հզորացման» ծրագիրը Դիլիջանում կյանքի կոչելու նպատակով։

Հիմնադրամի գործընկեր «Վորլդ Վիժն Հայաստան»-ի հետ համագործակցության շնորհիվ 500 արցախահայ ընտանիքներ ստացան շուրջ 36 մլն դրամի ձմեռային բաճկոններ, վերմակներ և խոհանոցային պարագաներ: Շնորհակալ ենք մեր գործընկերներին երկար տարիների համագործակցության համար:

"ՍՕՍ-Մանկական Գյուղեր" հիմնադրամը տարիներ շարունակ արդյունավետ համագործակցում է Հայ օգնության ֆոնդի հետ: Միայն վերջին տարվա ընթացքում համավարակի հետևանքով տուժած և պատերազմի արդյունքում տարհանված ընտանիքներին ԱՅՈ ֆոնդհայթայթման հարթակի հետ համագործակցության շնորհիվ ցուցաբերվել է շուրջ 56 մլն ՀՀ դրամի աջակցություն: Շնորհակալ ենք մեր գորընկերներին համագործակցության համար:

Մայիսի 11-ին տեղի ունեցավ "ՍՕՍ-Մանկական Գյուղեր" հայկական բարեգործական հիմնադրամի "Երևան" մասնաճյուղի բացման հանդիսավոր արարողությունը:

Ապրիլի 21-ին Իջևան մասնաճյուղը հյուրընկալեց Հայաստանում Ֆրանսիայի Հանրապետության արտակարգ և լիազոր դեսպան Ն.Գ. պարոն Ժոնաթան Լաքոտին։ Այցի ընթացքում դեսպանը ծանոթացավ հիմնադրամի առաքելությանը և տեսլականին, իրականացվող ծրագրերին, տրամադրվող այլընտրանքային խնամքի առանձնահատկություններին, ինչպես նաև կատարեց շրջայց մանկական գյուղի տարածքով։ Շրջայցի ավարտին դեսպանն այցելեց երկու ՍՕՍ ընտանիքներ, որտեղ հնարավորություն ստացավ ծանոթանալու երեխաների առօրյային։ Երեխաներից մեկը դեսպանին նվիրեց իր ձեռքով պատրաստված հուշանվեր:

Զբաղվածության պետական գործակալության Իջևանի զբաղվածության տարածքային կենտրոնի և ՍՕՍ Մանկական Գյուղեր Հայաստանի համագործակցության և համատեղ ջանքերի շնորհիվ Տավուշի մարզի Սևքար համայնքի ընտանիքներից մեկին հաջողվել է իրականացնել անասնապահությամբ զբաղվելու վաղեմի երազանքը։ Հիմնադրամի Իջևանի Ընտանիքների ամրապնդում ծրագրի աջակցությամբ ընտանիքը ձեռք է բերել անհրաժեշտ շինանյութերը և նորոգել տնամերձ տարածքում գտնվող կիսակառույց անասնագոմի տանիքը։ Իսկ Իջևանի զբաղվածության տարածքային կենտրոնի ջանքերով ընտանիքին տրամադրվեց մեկ կով և համապատասխան կեր։

Ուսումնական տարվանն ընդառաջ՝ հիմնադրամը, համագործակցելով «ԱՄՔՈՐ Հայաստան» բարեգործական հիմնադրամի հետ, իրականացրեց «Երեխաների կրթական հնարավորությունների ընդլայնում COVID-19 շրջանում․ աջակցություն խոցելի ընտանիքներին» ծրագիրը։ Ծրագրի շրջանակներում Երևանում, Տավուշի և Կոտայքի մարզերում բնակվող 795 դպրոցահասակ երեխա ստացավ գրենական պիտույքների փաթեթ։ Շնորհակալությու՜ն ԱՄՔՈՐ Հայաստանին համագործակցության և աջակցության համար։

Դժվար իրավիճակներում է, որ օգնության են հասնում լավագույն ընկերները։ ԱԿԲԱ Բանկի աջակցությամբ՝ մեր հիմնադրամի 350 խոցելի ընտանիք ստացավ մեկ ամսվա համար նախատեսված սննդի փաթեթներ։ Շնորհակալ ենք մեր ընկերոջը: