Նորություններ

«Հայաստան» համահայկական հիմնադրամի և «Ակբա բանկ»-ի համագործակցությամբ «ՍՕՍ-Մանկական Գյուղեր» հիմնադրամի "Իջևան" մասնաճյուղում տեղադրվել է 50 կՎտ հզորության արևային ֆոտովոլտային կայան, որը կբավարարի տեղանքի շուրջ 70% էլեկտրաէներգիայի պահանջը: Շնորհակալություն մեր գործընկերներին մշտական աջակցության և հիմնադրամի կողքին լինելու համար:

"ՍՕՍ-Մանկական Գյուղեր" հայկական բարեգործական հիմնադրամի և ՀՀ Աշխատանքի և սոցիալական հարցերի նախարարության միջև կնքվել է փոխըմբռնման հուշագիր՝ երեխաների պաշտպանության ոլորտում իրականացվող օրենսդրական բարեփոխումների գործընթացին աջակցելու նպատակով։

«ՍՕՍ-Մանկական Գյուղեր» հայկական բարեգործական հիմնադրամը շնորհակալություն է հայտնում EY Հայաստանին «Գիտելիքի և դպրության» օրվա կապակցությամբ «Երևան» մասնաճյուղի ընտանիքների ամրապնդման ծրագրի 112 շահառու երեխաներին գրենական պիտույքներ նվիրելու համար։

Դեկտեմբերի 8-ին համաձայնագիր է ստորագրվել «ՍՕՍ-Մանկական Գյուղեր» ՀԲՀ ազգային տնօրեն Սպարտակ Սարգսյանի և ԱՐԱՐԱՏԲԱՆԿ ԲԲԸ Վարչության նախագահ Մհեր Անանյանի կողմից, որի շրջանակում բանկը մեկ տարով կֆինանսավորի «Սիրիահայ ընտանիքների սոցիալ-տնտեսական ինտեգրումը Երևանում» ծրագրի երեխաների ցերեկային խնամքի ճաշարանը։

2021 թվականի սեպտեմբերի 27-ին "ՍՕՍ-Մանկական Գյուղեր" հայկական բարեգործական հիմնադրամի և «Էյչ-Էս-Բի-Սի Բանկ Հայաստան» ՓԲԸ-ի միջև ստորագրվեց համաձայնագիր, որի շրջանակում բանկն ավելի քան 8 մլն դրամի աջակցություն է տրամադրում «Լեռնային Ղարաբաղի հակամարտությունից տուժած երիտասարդների տնտեսական հզորացման» ծրագիրը Դիլիջանում կյանքի կոչելու նպատակով։

Հիմնադրամի գործընկեր «Վորլդ Վիժն Հայաստան»-ի հետ համագործակցության շնորհիվ 500 արցախահայ ընտանիքներ ստացան շուրջ 36 մլն դրամի ձմեռային բաճկոններ, վերմակներ և խոհանոցային պարագաներ: Շնորհակալ ենք մեր գործընկերներին երկար տարիների համագործակցության համար:

"ՍՕՍ-Մանկական Գյուղեր" հիմնադրամը տարիներ շարունակ արդյունավետ համագործակցում է Հայ օգնության ֆոնդի հետ: Միայն վերջին տարվա ընթացքում համավարակի հետևանքով տուժած և պատերազմի արդյունքում տարհանված ընտանիքներին ԱՅՈ ֆոնդհայթայթման հարթակի հետ համագործակցության շնորհիվ ցուցաբերվել է շուրջ 56 մլն ՀՀ դրամի աջակցություն: Շնորհակալ ենք մեր գորընկերներին համագործակցության համար:

Մայիսի 11-ին տեղի ունեցավ "ՍՕՍ-Մանկական Գյուղեր" հայկական բարեգործական հիմնադրամի "Երևան" մասնաճյուղի բացման հանդիսավոր արարողությունը:

Ապրիլի 21-ին Իջևան մասնաճյուղը հյուրընկալեց Հայաստանում Ֆրանսիայի Հանրապետության արտակարգ և լիազոր դեսպան Ն.Գ. պարոն Ժոնաթան Լաքոտին։ Այցի ընթացքում դեսպանը ծանոթացավ հիմնադրամի առաքելությանը և տեսլականին, իրականացվող ծրագրերին, տրամադրվող այլընտրանքային խնամքի առանձնահատկություններին, ինչպես նաև կատարեց շրջայց մանկական գյուղի տարածքով։ Շրջայցի ավարտին դեսպանն այցելեց երկու ՍՕՍ ընտանիքներ, որտեղ հնարավորություն ստացավ ծանոթանալու երեխաների առօրյային։ Երեխաներից մեկը դեսպանին նվիրեց իր ձեռքով պատրաստված հուշանվեր: